HUZUNI: MAMIA WAJITOKEZA KUMZIKA DEREVA BODABODA ALIYEUAWA KWA KUCHOMWA NA KISU SHINGONI.‏

Marehemu Bahati Mahela enzi za Uhai wake 

Boda Boda zimeacha Kazi na Kumsindikiza Mwenzao

 Msafara wa Boda Boda Kuelekea Makaburini 

 Gari hii ilitaka leta Mushike hapa baada ya kutaka kuchomekea

 Gari lililobeba Mwili wa Marehemu likielekea Makaburini

 Boda Boda zikiwa zimepaki Jirani na Makaburini

 Makaburini 

 Jeneza la Marehemu Mahela 

 Msemaji kwa niaba ya Familia akitoa Mwongozo 

 Maandalizi ya Mazishi

 Mazishi

 Baadhi ya waombolezaji

Picha na Mbeya yetu

MAMIA ya wakazi wa Sae jijini Mbeya wamejitokeza kwa wingi kumzika aliyekuwa mwendesha boda boda (pikipiki) aliyefahamika kwa jina la Bahati Mahela (23).

Marehemu alipatwa na mauti  wakati anapatiwa matibabu hospitali ya Rufaa jijini Mbeya baada ya kuchomwa kisu shingoni na mtu ambaye hakuufahamika ambaye alizikwa katika makaburi ya Halmashauri Mlima James Veta jijini Mbeya.

Kamanda wa Polisi alithibitisha kutokea kwa tokio hilo na kuongeza kuwa lilitokea tarehe  10.08.2015 majira ya saa mbili  usiku huko eneo la Ituha baada ya marehemu kukodishwa na abiria asiyemfahamu kutoka kijiwe cha Sae kwenda shule ya Msingi Ituha na ndipo wakiwa njiani alichomwa kisu shingoni na kisha kumpora pikipiki yake yenye namba za usajili MC 851 ABG aina ya Kinglion.

Alisema kufuatia tukio hilo msako umefanyika na pikipiki imepatikana ikiwa imetelekezwa eneo la Uyole na chanzo cha kifo chake ni kutokwa damu nyingi baada ya kuchomwa kisu shingoni na kiini cha tukio hili ni kuwania mali.

Alisema  upelelezi unaendelea ikiwa ni pamoja na kumtafuta aliyehusika katika tukio hilo.

Kwa upande wake baadhi ya viongozi wa chama cha Bodaboda (UWABOM) walilaani vikali vitendo hivyo na kuongeza kuwa Jeshi la Polisi linapaswa kusaidiana na madereva hao ili kumpata mharifu.