Social Icons

Featured Posts

Friday, April 18, 2014

MKUTANO WA KAMANDA WA POLISI MKOA WA MBEYA NA VYOMBO VYA HABARI “PRESS CONFERENCE” TAREHE 18.04.2014.


 [AHMED Z. MSANGI – SACP]
KAMANDA WA POLISI MKOA WA MBEYA. akiongea na waandishi wa habari mkoa wa Mbeya







JUST IN: MAGARI MAWILI YAGONGANA ENEO LA MAFIATI MBEYA MUDA MCHACHE ULIOPITA.

Magari hayo muda mchache baada ya ajali kutokea

Hili ni eneo la Mafiati ambapo ajali hiyo imetokea
Gari aina ya Mazda baada ya kupata ajali
Gari hiyo ya Mazda baada ya kupata ajali ambayo imesababisha kufumuka kwa Airbag upande wa Mbele.
Gari aina ya Ipsum muda mchache baada ya kupata ajali.
Picha na Mbeya yetu 

ASKARI AKAMATWA KWA TUHUMA ZA KUIBA MTOTO WA UMRI WA SIKU SABA

ASKARI wa Jeshi la Polisi aliyefahamika kwa jina la Prisca Kilwai mwenye namba WP 5367 wa Ilala Jijini Dar es Salaam amekamatwa kwa tuhuma za wizi wa mtoto  
Baba Mzazi  wa mtoto aliyeibiwa  Salehe Issah Mwangosi(31) ndiye alieshirikiana na polisi huyo kumwiba mtoto

 Mboka Mwakikagile(20) mama mzazi wa mtoto aliyeibiwa



ASKARI wa Jeshi la Polisi aliyefahamika kwa jina la Prisca Kilwai mwenye namba WP 5367 wa Ilala Jijini Dar es Salaam amekamatwa kwa tuhuma za wizi wa mtoto jinsi ya kiume aliyefahamika kwa jina la Goodluck Salehe(siku 7) aliyeibwa April 6 mwaka huu huko Kasumulu Kata ya Itope Wilaya ya Kyela Mkoani Mbeya.

Mtoto alizaliwa Machi 30 na alipoibiwa alikuwa na umri wa siku sita ambapo mtuhumiwa alishirikiana na Baba Mzazi aliyefahamika kwa jina la Salehe Issah Mwangosi(31) mkazi wa Matankini Kyela aliyemtambulisha kwa mama mzazi aliyefahamika kwa jina la Mboka Mwakikagile(20) kuwa Prisca ni shangazi yake Salehe hivyo anakuja kumwona mtoto aliyezaliwa.

Kamanda wa Polisi Mkoani Mbeya Ahmed Msangi amethibitisha kukamatwa kwa Askari huyo ambapo amesema kuwa ikithibitika kutenda kosa hilo atafikishwa mahakama ya kijeshi na baada ya taratibu hizo kukamilika atafikishwa Mahakamani ili kujibu tuhuma zinazo mkabili.

Mtuhumiwa amekamatwa April 17 mwaka huu huko eneo la Meta Jijini Mbeya majira ya saa nne asubuhi akiwa na mtoto huyo mkononi ambapo alitiwa nguvuni na kufikishwa makao makuu ya Polisi Mkoa Forest ya Zamani kwa mahojiano zaidi.

Msangi amesema kuwa Salehe na Prisca hawana mahusiano ya Damu ila wana mahusiano ya kibiashara ambapo wanaendelea kufanya uchunguzi wa tukio hilo na upelelezi ukikamilika watafikishwa mahakamani kujibu tuhuma zinazo wakabili.

Na Mbeya yetu



Thursday, April 17, 2014

ZOEZI LA SAFISHA JIJI LA MBEYA LAENDELEA ,LEO IKIWA NI SIKU YA KUONDOA MAWE ENEO LA SOWETO.

 Askari wa Jiji wakiwa wanatoa Mawe yote yaliyopo pembezoni mwa barabara eneo la Soweto Jijini Mbeya
 Kazi ikiendelea

 Mmoja wa Askari wa Jiji Mwanamke akiwa amebeba jiwe kubwa kwenda kuweka katika gari
 Gari  la Jiji likiwa limepaki kwa ajili  ya kukusanya mawe hayo
Mmoja wa Askari wa jiji akibonda jiwe kulipunguza ili waweze kubeba na kupakia katika gari.
Picha na Mbeya yetu

KIKOSI CHA MABORESHO YA TAIFA STARS CHA TAJWA.

Kocha Msaidizi, Salum Mayanga, aliyekuwa na timu hiyo katika Mkutano na waandishi wa Habari uliofanyika katika ukumbi wa Hoteli ya Hill View iliyopo jijini Mbeya.


Katibu  wa chama cha mpira wa miguu Mkoa wa Mbeya (MREFA) Selemani Harubu


Baadhi ya waandishi wa habari wa mkoa wa Mbeya 






Add caption



HATIMAYE Wachezaji 16 wa kikosi cha Maboresho ya Timu ya Taifa(Taifa stars) kimechaguliwa kutoka kwenye kambi iliyokuwa ikifanyika katika Uwanja wa Chuo cha Ualimu Tukuyu Wilaya ya Rungwe mkoani Mbeya iliyokuwa na wachezaji 34.

Kikosi hicho  kimetangazwa leo na Kocha Msaidizi, Salum Mayanga, aliyekuwa na timu hiyo katika Mkutano na waandishi wa Habari uliofanyika katika ukumbi wa Hoteli ya Hill View iliyopo jijini Mbeya.

Mayanga aliwataja wachezaji hao kuwa ni Mlinda mlango Benedict Tinoko Mlekwa kutoka Mara, Walinzi wa kati ni Emma Namwondo Simwanda kutoka Temeke na Joram Nason Mgeveja kutoka Iringa.

Aliwataja walinzi wa pembeni kuwa ni Omari Ally Kindamba kutoka Temeke, Edward Peter Mayunga kutoka Kaskazini Pemba na Shirazy Abdallah Sozigwa kutoka Ilala,viongo wa Ulinzi ni Yusufu Suleiman Mlipili na Said Juma Ally kutoka Mjini Magharibi.

Viongo Washambuliaji ni Abubakar Ally Mohamed kutoka Kusini Unguja na Hashimu Ramadhani Magona kutoka Shinyanga, na Viungo wa pembeni ni Omari Athumani Nyenje kutoka Mtwara na Chunga Said Zito kutoka Manyara.

Aliwataja washambuliaji kuwa ni pamoja na Mohammed Seif Said kutoka Kusini Pemba, Ayubu Kassim Lipati kutoka Ilala, Abdurahman Othman Ally kutoka Mjini Magharibi na Paul Michael Bundara kutoka Ilala.

Aliongeza kuwa katika kikosi hicho pia wamechaguliwa wachezaji wawili waliojiunga na Timu ya Taifa ya wenye umri chini ya Miaka 20 ambao ni Mbwana Mshindo Musa kutoka Tanga na Bayaga Atanas Fabian kutoka Mbeya.

Aidha Kocha huyo alisema wachezaji wengine walioachwa wataendelea kuwa kwenye uangalizi wa Shirikisho la Mpira wa Miguu(TFF) kwa sababu mpango wa maboresho ya timu ya Taifa ni endelevu.

Alisema Kambi ya timu hiyo ilianza Machi 22, Mwaka huu na kuhitimishwa Aprili 17, mwaka huu kwa awamu ya kwanza ambapo wachezaji hao watajiunga na kikosi cha Timu ya Taifa cha Awali kwa ajili ya maezo ya mechi ya Kirafiki kisha watarudi tena wilayani Rungwe kwa ajili ya Kambi ya awamu ya Pili.

Mwisho.

Na Mbeya yetu

KUMBUKUMBU YA MAREHEMU ANTHONY SAIMON NJEJE



Marehemu Anthony Simon Njeje Enzi za uhai wake 
*******
Ni miaka Sita sasa imepita tangu ulipo enda kwenye makao ya kudumu.Hatupo nawe kimwili lakini kiroho upo nasi daima. Tunakukumbuka sana Baba yetu Mpendwa. Unakumbukwa sana na Mke wako Mpendwa Mama Elizabeth Anthony Njeje, Wanao Aninziye, Luseshelo-Ernest, Fredy na Sarah. Wajukuu zako Anthony Jr, Shikunzi-Alvin, Amerisa na Yasinta, Pia unakumbukwa na wafanyakazi wenzako wote wa Benki, majirani zako, waumini wenzako, ndugu Jamaa na Marafiki. Sisi Tulikupenda sana lakinin Mungu alikupenda Zaidi. Jina la Bwana Libarikiwe.
AMEN

FFU MBEYA YAFANYA MAZOEZI YA KUKABILIANA NA UHALIFU, MKUU WA MKOA WA MBEYA ASHUHUDIA.


MKUU wa Mkoa wa Mbeya Abbas Kandoro na maafisa wa polisi mkoa wa Mbeya wakiangalia mazoezi ya kikosi cha FFU Mbeya
MKUU wa Mkoa wa Mbeya Abbas Kandoro akiongea na kikosi cha FFU Mbeya


MKUU wa Mkoa wa Mbeya Abbas Kandoro amelitaka Jeshi la Polisi kujifunza mbinu mbali mbali za kukabiliana na majambazi kutokana na kukithiri kwa vitendo hivyo katika jamii na kuhatarisha usalama wa raia.

Kamanda wa Polisi Mkoa wa Mbeya, Ahmed Msangi alisema utaratibu wa kufanya mazoezi kwa askari wa kupambana na kutuliza ghasia hufanyika mara mbili kwa wiki ikiwa na lengo la kuangalia hali ya nidhamu, ukakamavi na utayari wa Askari katika kupambana na uhalifu.






Mazoezi yakiendelea


Add caption




MKUU wa Mkoa wa Mbeya Abbas Kandoro amelitaka Jeshi la Polisi kujifunza mbinu mbali mbali za kukabiliana na majambazi kutokana na kukithiri kwa vitendo hivyo katika jamii na kuhatarisha usalama wa raia.

Aidha aliwataka Wananchi kutoa ushirikiano kwa jeshi la Polisi na Vyombo vya ulinzi ili kudumisha amani na utulivu kwa kushiriki kutoa taarifa za uhalifu pamoja na ulinzi shirikishi kwa kutii sheria bila shuruti.

Kandoro alitoa kauli hiyo  alipotembelea mazoezi ya Askari wa Kutuliza ghasia(FFU) mkoani hapa katika viwanja vyao mazoezi yenye lengo la kudumisha nidhamu, ukakamavu na utayari wa kukabiliana na adui kwa Askari wa Jeshi la Polisi.

Alisema jeshi la Polisi pekee haliwezi kudumisha hali ya amani na utulivu kwa Watanzania bila kupata ushirikiano kutoka kwao kwa kutoa taarifa pindi wanapobaini kuwepo kwa hali ya hatari ama uhalifu katika maeneo yao.

Aliongeza kuwa Jeshi la Polisi linatakiwa kuongeza kasi ya kutoa elimu kwa wananchi juu ya utii wa sheria bila shuruti pamoja na ulinzi shirikishi jambo litakalosaidia kupunguza vurugu zisizokuwa na msingi katika jamii.

Alisema pia wananchi hawapaswi kulazimisha Jeshi la Polisi kutumia nguvu kubwa katika kukabiliana nao kutokana na kushindwa kutii amri zinazotolewa na kukatazwa jambo bali watumie njia ya mazungumzo wanapokuwa na madai na siyo kukimbilia kufunga barabara na kuchoma moto.

Kwa upande wake Kamanda wa Polisi Mkoa wa Mbeya, Ahmed Msangi alisema utaratibu wa kufanya mazoezi kwa askari wa kupambana na kutuliza ghasia hufanyika mara mbili kwa wiki ikiwa na lengo la kuangalia hali ya nidhamu, ukakamavi na utayari wa Askari katika kupambana na uhalifu.

Katika mazoezi hayo Askari waliweza kumuonesha Mkuu wa Mkoa ambaye pia ni Mwenyekiti wa Ulinzi na Usalama wa Mkoa mbinu mbali mbali za kukabiliana na maadui ikiwa ni pamoja na kudhibiti vurugu kwa kutumia  mbinu mbali mbali, kukabiliana na majambazi wenye silaha pamoja na mbinu za kivita.

Mwisho.

Na Mbeya yetu



Wednesday, April 16, 2014

MZAZI ATUHUMIWA KWA WIZI WA MTOTO WA SIKU TANO KYELA

MTUHUMIWA ANAETAFUTWA NA JESHI LA POLISI  KWA WIZI WA MTOTO

MAMA MZAZI WA MTOTO ALIYEIBIWA

BABA MZAZI ANAYETUHUMIWA KWA WIZI WA MTOTO



Jeshi la Polisi linamshikilia Salehe Issah Mwangosi(29) Mkazi wa Tankini Kasumulu Kata ya Itope Wilaya ya Kyela Mkoani Mbeya kwa tuhuma za wizi wa mtoto jinsi ya kiume mwenye umri wa  siku sita.

Imedaiwa kutenda kosa hilo dhidi ya mzazi mwenzake aliyefahamika kwa jina la Mboka Mwakikagile(21)mkazi wa Kitongoji cha Sama A Kijiji cha Ibanda Kata ya Itope Jumapili April 6 mwaka huu majira ya saa nne asubuhi kwa kushirikiana na mwanamke mmoja ambaye hajafahamika jina mara moja aliyejifanya ni mama yake mkubwa wa mtuhumiwa.

Mipango hiyo iliyoanza kuandaliwa na mtuhumiwa siku tatu baada ya mtoto kuzaliwa kwa kutumia simu ya kiganjani ya mtuhumiwa yenye namba 0767356222 na mzazi wa mtoto kwa namba 0757006839 ambapo siku ya tukio Salehe alimwambia kuwa mama yake mkubwa angekwenda kumjulia hali mtoto aliyezaliwa.

Baada ya Salehe kuwasiliana na mzazi mwenzake walikubaliana Mama yake mkubwa angekwenda Jumapili Aprili 6 mwaka huu majira ya saa nne asubuhi ambapo mwanamke huyo alifika nyumbani kwa Mboka(Mzazi wa mtoto)ambapo aliwakuta wazazi wake akiwemo Mzee Lupalo Elija Mwakikagile(90) na mkewe Nelly Kyusa(49) ambao walimpokea.

Mwanamke huyo alifikanyumbani kwa Mwakikagile akiwa ameshika mkoba wenye nguo za mtoto mchanga,sabuni na mahitaji mengine ambapo alijieleza kuwa yeye ni afisa wa Mamlaka ya mapato na Mama mkubwa wa Salehe hivyo amekuja kwa ajili ya kumjulia hali na kumpa pole Mboka kwa kujifungua.

Mama huyo baada ya kumwangalia Mtoto alidai ana matatizo ya macho hivyo waende naye Zahanati ya Njisi Kasumulu kwa ajili ya matibabu ambapo walipakizana kwenye pikipiki na kufika huko Zahanati na kumkuta Daktari ambaye alimtaka mzazi kununua Daftari ya matibabu kwa kuwa kadi ya kliniki hutolewa mwezi mmoja tangu kuzaliwa kwa mtoto.

Ndipo Mboka alikwenda Dukani umbali wa mita 500 kwa ajili ya kununua daftari akimwacha mwanamke huyo akiwa amembeba mtoto na aliporejea hakumkuta mwanamke huyo wa mtoto na hata aliposubiri kwa muda alimuuliza Salehe kupitia simu ya Daktari ambapo Salehe alisema asiwe na shaka mama huyo atamleta mtoto.

Mboka aliamua kutoa taarifa Polisi Kasumulu kwa ajili ya kuibiwa mtoto lakini alishangaa kumkuta Salehe Polisi naye akitoa taarifa juu ya kupotea kwa mtoto hali inayoonesha kulikuwa na njama kwani yeye ndiye alikuwa akifanya mawasiliano na mwanamke huyo na yeye ndiye aliyesema kuwa atakuja nyumbani kumwangalia.

Hata hivyo uchunguzi umebaini kuwa mwanake aliyedaiwa kuiba mtoto huyo alisajili upya namba ya simu badala ya awali kwa kutumia leseni yake ya udereva huku ikionesha kuwa amezaliwa April 24 mwaka 1986 na mara kadhaa alijitambulisha kama Afisa wa mamlaka ya mapato na wakati mwingine akijifanya Muuguzi.

Kwa upande wake ndugu wa mtuhumiwa akiwemo Baba mdogo aitwaye Assah Mwangosi(49)wamesema kuwa hawaelewi lolote kuhusiana na tukio hilo na kuwa hawakuwa na taarifa za kijana wao  kuzaa nje ya ndoa kwani Salehe ana mkewe aitwaye Falesy Sanderson(29) aliyemuoa mwaka 2006 alipokuwa akifanya biashara wilaya ya Karonga nchi jirani ya Malawi.

Ndugu wamedai Salehe anamiliki pikipiki mbili  zenye namba za usajili T640 CHA na T 796 BKG ambazo huzitumia kwa ajili ya kubeba abiria maarufu kama bodaboda eneo la Kasumulu na inasadikiwa moja ya pikipiki kutumika kuiba mtoto.

Kwa upande wa Jeshi la Polisi kupitia kwa Kamanda wa Polisi Mkoa wa Mbeya Ahmed Msangi amethibitisha kutokea kwa tukio hilo na kwamba bado wanamshikilia Salehe kwa mahojiano na wanafanya juhudi za kumtafuta mtoto na kutoa wito kwa mwenye taarifa za mtoto huyo atoe Polisi na mtuhumiwa aweze kukamatwa.

Na Ezekiel Kamanga
Mbeya yetu

KING’S HOTEL INATANGAZA NAFASI ZA KAZI;









KING’S HOTEL JACARANDA MBEYA.
0767-914004, 0655-814004.

KING’S HOTEL ni Hoteli mpya na kisasa  ndani ya Jiji la Mbeya.
KING’S HOTEL INATANGAZA NAFASI ZA KAZI;
-Wahudumu wa Bar nafasi 2
-Kaunta nafasi 1
-Mapokezi nafasi 2
-Usafi wa mazingira nafasi 1
- Usafi wa ndani nafasi 2

SIFA ZA MUOMBAJI.

-Awe anauzoefu katika nafasi anayoomba.
-Elimu kuanzia ngazi ya cheti kutoka Chuo kinachotambuliwa
-Ajue kuzungumza lugha ya Kiswahili na kiingereza kiufasaha

MAWASILIANO.

Muombaji anaweza kufika moja kwa moja Hotelini iliyopo Jakaranda karibu na Makao makuu ya Jimbo la Kanisa la Moroviani Mkabala na ghorofa la iliyokuwa ya shirika la Bima au piga simu namba
0767-914004, 0655-814004.


Tuesday, April 15, 2014

BONANZA! BONANZA! BONANZA! NA KABWE DUST MOTEL.

Gardner  G. Mwakasyuka Mkurugenzi wa Kabwe Dust na mwandaaji wa Bona za hilo akiongea na washiriki


Baadhi ya viongoziwa timu za Watangazaji wa Vituo vya Redio Jiji la Mbeya, Mashabiki wa Timu za Mpira wa miguu za Tanzania Prison na Mbeya City wakimsikiliza kwa makini muadaaji wa bonanza hilo






KABWE DUST MOTEL iliyopo Kabwe Jijini Mbeya imeandaa Bonanza kubwa la Pasaka litakalofanyika katika Viwanja vya Shule ya Msingi Mwenge kuanzia saa mbili asubuhi hadi saa 12 jioni Tarehe 19/04/2014 hadi tarehe 20/04/2014 likihusisha Mpira wa miguu.

Bonanza hilo litawashirikisha timu za Watangazaji wa Vituo vya Redio Jiji la Mbeya, Mashabiki wa Timu za Mpira wa miguu za Tanzania Prison na Mbeya City zikisindikizwa na Timu maarufu za Majiko Fc na Makunguru Fc zote za jijini Mbeya.

Bonanza hilo litapambwa na Msanii maarufu kutoka kwenye kundi la Kabwe Dust maarufu kwa jina la JAJI K anayetamba na nyimbo kali kibao kwa muda wa siku zote mbili yaani Jumamosi ya Pasaka na Jumapili ya Pasaka.

Bonanza hilo limedhaminiwa na Kampuni ya Bia Tanzania(TBL), SBC (T) Co.Ltd chini ya kinywaji chao cha Pepsi Dare for More pamoja na Mbeya Spring Water.

Mshindi wa kwanza katika Bonanza hilo litakaloendeshwa kwa mtindo wa Mtoani atanyikulia fedha taslimu shilingi Laki tano(500,000/=), Mshindi wa Pili Shilingi laki tatu(300,000/=) na mshindi wa Tatu  Shilingi laki mbili(200,000/=).

Baadhi ya timu zitakazoshiriki ni pamoja na timu ya Mashabiki wa Tanzania Prison, Mashabiki wa Timu ya Mbeya City Fc, Highland Fm, Bomba Fm, Sweet Fm, Generation Fm, Rock Fm na Mbeya Fm.

Vinywaji na vyakula mbali mbali vitapatikana uwanjani hapo, Nyote mnakaribishwa kujionea watangazaji wa Redio wanavyosakata kabumbu safi na lenye kuvutia.