Social Icons

mfuko wa pensheni wa pspf

onspot

onspot
Sikiliza Tone Radio Live Hapa, na Tembelea Website yetu www.toneradiotz.com

bre

Featured Posts

Tuesday, September 2, 2014

ZIARA YA UTALII WA NDANI SEHEMU YA PILI : MBEYA YETU BLOG WATEMBELEA MAPOROMOKO YA KAPOROGWE

Ilikuwa ni Moja ya Safari ambazo zilikuwa na Mafanikio Makubwa ambapo Tone Multimedia Group kupitia Mtandao wao wa Mbeya Yetu Blog tuliamua kuanza Rasmi kuvitangaza vivutio vya kitalii ambavyo tunaamini vimesahaurika kwa njia moja au yengine, katika Safari yetu ya kuvitangaza vivutio hivyo tumeanza moja kwa moja na Mkoa wa Mbeya.

Kwanza kabisa tulifika katika Kijungu na Kujionea mengi.. Kama ulikosa kuona juu ya kijungu Bofya hapa  MBEYA YETU ILIPOTEMBELEA KIJUNGU 

Leo katika mwendelezo wa vivutio hivyo vya Utalii katika Mkoa wa Mbeya tutakiangazia kivutio kimoja wapo ambacho ni Maporomoko ya Kaparogwe, Maporomoko haya ni moja ya Kivutio kikubwa cha Utalii Nchini Tanzania ambacho kinavutia sana. 

Maporomoko haya ambayo yapo Kilometa 11 kutoka Ushirika Tukuyu sehemu ambayo kuna barabara nzuri na Gari la aina yoyote inaweza kufika katika kivutio hicho.

Kikosi kazi cha Mbeya yetu tulifika eneo Hilo na kujionea wenyewe eneo hilo na kujionea Maliasili hii na eneo ambalo kwa hakika linahitajika kusapotiwa na kulitangaza ili Dunia ipate fahamu kuwa kuna eneo kama hilo na wanahitaji kufika na Kutembelea.

Hivi ndivyo Safari yetu ilivyokuwa.. Fuatilia hapa 

Unaweza ukastaajabu sana , Mto huu unaitwa Mto rangi kwa jina halisia , Jina la kaporogwe limekuja baada ya mtu mmoja aliyekuwa eneohili zamani za kale kudondoka katika maporomoko haya na Kuitwa Kaporogwe.  Maji haya ndiyo  yanaonekana yakitembea kwa kasi ndogo lakini ndiyo yanayoenda kumwaga maji yake katika maporomoko ya Kaporogwe.
Haya ndiyo Maporomoko ya Kaporogwe yanavyo onekana kwa ukaribu kabisa
 Hii ni njia yakuelekea Maporomoko ya Kaporogwe 
 Utalii wa ndani baadhi ya watu wanaelekea katika Maporomoko ya Kaporogwe
 Huu ni upande wa kuingilia kwa mbali ndivyo maporomoko yanavyo onekana 
 Kama kawaida unapotembelea maeneo kama haya lazima upate ukodaki wa kumbukumbu hapa kila mmoja akichukua matukio
Kwa hakika Joseph Mwaisango Mwandishi Mkuu wa Mbeya yetu akiwa mwenye furaha alipofika katika maporomoko haya ya kaporogwe mara baada ya kujionea yeye mwenyewe. Hapa ni eneo la Ndani kabisa ya Maporomoko hayo.
 Hili ni Moja ya eneo la Mapumziko, watu wanaofika huja hapa na kukaa kisha kutazama uzuri wa Maporomoko ya Kaporogwe 
 Maji yakiwa yanashuka kwa kasi katika maporomoko ya Kaporogwe 
 Kwa Jirani kabisa Maji yanavyomwagika katika Maporomoko ya kaporogwe 
 Unaweza ukaona maajabu sana lakini hii ndio njia ya kuingilia maporomoko ya kaporogwe 
Head of Group Research and Product Development wa Tone Multimedia Group ambao ni Wamiliki wa Mbeya yetu Blog Fredy Anthony Njeje akiwa chini kabisa ya Maporomoko ya Kaporogwe kujionea jinsi maji yanavyo mwagika, katika eneo hili la chini kuna hali ya unyevu vyavu na baridi ya aina yake ambayo haiumizi lakini inayohamasisha kuendelea kuwepo katika eneo hilo muda wote.
 Hii ni Barabara inayotokea eneo Linaitwa Kissa kuelekea katika Maporomoko ya Kaporogwe 
Mwandishi Mkuu wa Mbeya yetu Blog Joseph Mwaisango wa Kwanza kulia akiwa na wenyeji wanaokaa maeneo ya Maporomoko ya Kaporogwe.
 Wa kwanza kulia ni Fredy Anthony Njeje akiwa pamoja na wakazi wanaoishi maeneo ya Kaporogwe 
Hii ni Barabara nzuri ya Kuelekea katika maporomoko ya kaporogwe.

Imeandaliwa na Tone Multimedia Group kupitia Mtandao wake wa Mbeya yetu Blog ambao upo ndani ya Blogs za Mikoa. 

Je unapenda  kutoa maoni au kuungana nasi katika kampeni hii Piga simu ama tuma ujumbe mfupi wa maneno kupitia +255 765056399 au +255 754374408.


TAARIFA MUHIMU KWA VYOMBO VYA HABARI

UONGOZI wa Tone Multimedia Company Ltd ambao ndiyo wamiliki wa Mtandao wa Blogs za Mikoa Tanzania www.blogszamikoa.blogspot.com ukiwemo wa Mbeya yetu www.mbeyayetu.blogspot.com unapenda kuwataarifu wadau wake wote hususani Wahariri wa Magazeti na redio mbali mbali za Mkoani Mbeya na  nchini kuwa wanaposoma na kuchukua habari kwenye mitandao yetu wajaribu kuandika au kutaja chanzo chake.
 
Tumelazimika kutoa taarifa hii baada ya kuwepo kwa Vyombo vya habari vikubwa kuwa na tabia ya kukopi na kutumia habari za kutoka Mbeya yetu na Blogs zengine za Mikoa bila kutaja wapi walikoipata hiyo habari.
 
Kiukweli hali hiyo inatusononosha kutoka na mazingira ambayo tunakuwa tumeyapata pindi tunapofuatilia matukio mbali mbali ikiwemo kuhatarisha maisha na usalama pamoja na gharama tuzitumiazo katika kufuatilia habari husika.
 
Aidha Mtandao wa Mbeya yetu haukatazi kwa Media yoyote iwe nje au ndani ya nchi kutumia habari zetu na ndiyo maana hazijafungwa hivyo ombi letu kwenu wadau ni kuandika chanzo chako cha habari ni wapi hiyo inachangia sisi kuona wewe mdau wetu umetambua mchango wa Mbeya yetu.
 
Hata hivyo Uongozi pia unatoa rai kwa Wahariri wa Vyombo vya habari nchini na Mkoa wa Mbeya kwa ujumla kuthamini mchango wa vyombo vidogo na vya chini vinavyofanya kazi za kijamii kama ilivyo kwa Mtandao wa Mbeya yetu.
 
Hivyo basi kwa mantiki hiyo, Uongozi wa Mbeya yetu unapenda kuwataarifu hautasita kuwachukulia hatua za kisheria wale  wote watakaotumia taarifa za Mbeya yetu na Blog za Mikoa zinazomilikiwa na Tone Multimedia bila kutaja chanzo chake.
 
Tunategemea ushirikiano kutoka kwenu katika kuikomboa jamii ya Kitanzania na mahitaji walionayo na michango ya vyombo vya habari kwa jamii husika.
 
Imetolewa na Uongozi wa Tone Multimedia Company Limited,



Monday, September 1, 2014

RAIS JAKAYA KIKWETE ATUMA SALAMU ZA RAMBI RAMBI KWA MKUU WA MKOA WA MBEYA KUFUATIA AJALI MBAYA ILIYOTOKEA



THE UNITED REPUBLIC OF TANZANIA
DIRECTORATE OF PRESIDENTIAL COMMUNICATIONS

Telephone: 255-22-2114512, 2116898
Website : www.ikulu.go.tz              

Fax: 255-22-2113425



PRESIDENT’S OFFICE,
      STATE HOUSE,
              1 BARACK OBAMA ROAD,  
11400 DAR ES SALAAM.
Tanzania.
 

TAARIFA KWA VYOMBO VYA HABARI

Rais wa Jamhuri ya Muungano wa Tanzania, Mheshimiwa Dkt. Jakaya Mrisho Kikwete amemtumia Salamu za Rambirambi Mkuu wa Mkoa wa Mbeya, Mheshimiwa Abbas Kandoro kuomboleza vifo vya watu 10 vilivyotokea Mbalizi, Mkoani Mbeya tarehe 29 Agosti, 2014 baada ya basi dogo la abiria aina ya Toyota Hiace maarufu kama Daladala Na. T 237 BFB kugongana na lori aina ya Tata Na. T 158 CSV.   Katika ajali hiyo, watu saba wengine walijeruhiwa na kukimbizwa hospitali kwa matibabu.

“Nimesikitishwa na kuhuzunishwa mno na taarifa za vifo vya watu 10 na wengine saba kujeruhiwa katika ajali hii iliyotokea siku chache baada ya ajali nyingine kutokea Mkoani Tabora iliyoua watu 19 na wengine 81 kujeruhiwa”, amesema Rais katika salamu zake.

Rais Kikwete amesema mfululizo wa ajali hizi unaonyesha dhahiri kuendelea kuwepo kwa tatizo la ukosefu wa umakini miongoni mwa madereva, hivyo jitihada zaidi zinatakiwa kufanywa kusimamia kikamilifu Sheria ya Usalama Barabarani na kufuatiliwa kwa karibu kwa mienendo ya wanaoendesha vyombo vya moto, ili ajali hizi ziweze kupunguzwa na hata kudhibitiwa kabisa katika barabara zetu.

“Naomba upokee  salamu zangu za rambirambi  kutoka dhati ya moyo wangu kutokana na ajali hiyo, na kupitia kwako naomba unifikishie salamu zangu za pole kwa wafiwa wote kwa kupotelewa ghafla na wapendwa wao”Ameongeza.

Rais Kikwete amesema anatambua machungu waliyo nayo wanafamilia, ndugu na jamaa wa watu waliopoteza maisha yao kwenye ajali hiyo, lakini anawaomba wote wawe wavumilivu na wenye subira wakati huu wanapoomboleza vifo vya ndugu na jamaa zao.

“Ninawaombea kwa Mola majeruhi wote wa ajali hiyo waweze kupona haraka na kurejea katika hali zao za kawaida ili waweze  kuungana tena na familia, ndugu na jamaa zao”, amemalizia kusema Rais Kikwete katika salamu zake. 


Imetolewa na;
Kurugenzi ya Mawasiliano ya Rais,
Ikulu – Dar es Salaam.
31 Agosti,2014

HOT NEWS KYELA YAANZA KUKAMATA WANAFUNZI WATORO‏

Mwenyekiti wa Halmashauri ya Wilaya ya Kyela, Gabriel Kipija, akizungumza na Mbeya yetu kuhusu mikakati ya kuongeza ufaulu kwa Wilaya hiyo.

 Wanafunzi wakiwa Darasani 
 Mmoja wa wanafunzi Livingstone Msusi akielezea jambo kuhusiana na mkakati huo
 Mmoja wa wanafunzi Salome Mwaiposa akielezea jambo kuhusiana na mkakati wa ufauru ulioanzishwa na Wilaya ya Kyela
 Wanafunzi wakiwa Darasani

 Hawa ni Baadhi ya wanafunzi watoro wakiwa wamekamatwa hapa wakipandishwa katika Gari
Huyu ni moja ya wanafunzi watoro, hapa alikuwa amekamatwa amevaa nguo Tano ndani kukwepa viboko, na katika picha hii anaonekana ameshikiria nguo tatu ambazo anazionesha baada ya kuzivua huku zengine akiwa bado amevaa

 Wanafunzi hao wakiwa tayari katika Gari hilo

 Wanafunzi wakisikiliza Mkutano

Wanafunzi wakiwa katika Kituo cha Polisi Kyela

KATIKA kuhakikisha elimu inapewa kipaumbele na kuongeza ufaulu kwa Wanafunzi Wilaya ya Kyela mkoani Mbeya,Halmashauri hiyo imeanzisha mkakati maalumu wa kuwakamata watoto watoro.
Hayo yalibainishwa juzi na Mwenyekiti wa Halmashauri ya Wilaya ya Kyela, Gabriel Kipija, alipokuwa akizungumza na Mbeya yetu kuhusu mikakati ya kuongeza ufaulu kwa Wilaya hiyo.
Kipija alisema hali ya utoro kwa wanafunzi ilikithiri sana kwa kutohudhuria masomo na kuzurura ovyo mitaani jambo lililopelekea Halmashauri hiyo kushika nafasi ya mwisho kimkoa katika matokeo ya hivi karibuni ya kidato cha Nne.
Alisema katika Operesheni iliyofanyika wiki mbili zilizopita ikiongozwa na Mkuu wa Wilaya ya Kyela, Magreth  Malenga, yeye mwenyewe na Mkurugenzi wa Halmashauri walifanikiwa kuwakamata wanafunzi 500 wa shule za Sekondari ndani ya siku moja.
Alisema katika siku hiyo Wanafunzi wa shule mbali mbali za Sekondari Kyela Mjini walikamatwa kwa uzururaji wengi wao wakiwa kwenye sare za shule lakini hawakuhudhuria masomo na kuwafikisha kituo cha polisi kwa kosa la utovu wa nidhamu.
Alisema kitendo cha kuwafikisha polisi wanafunzi hao kimeibua mwamko mkubwa wa wanafunzi kuhudhuria masomo darasani pamoja na kuwahi ambapo hivi sasa hakuna mwanafunzi anayeonekana barabarani kuanzia saa moja asubuhi tofauti na awali.
Baadhi ya Wanafunzi wa Shule ya Sekondari Keifo iliyopo Wilayani Kyela ambao walikumbwa na mkasa huo, mbali na kukiri kufanya vitendo hivyo tofauti na matarajio ya wazazi pia walipongeza kitendo cha Halmashauri cha kuwakamata na kuwapeleka Polisi.
Livingstone Msusi(15) mwanafunzi wa kidato cha Kwanza Keifo Sekondari alisema yeye binafsi alikumbwa na kamata kamata hiyo lakini hivi sasa amejirekebisha na kuwa wa kwanza kuwahi shule tofauti na awali ambapo alikuwa hafiki kabisa.
Salome Mwaiposa(14) alisema tangu operesheni hiyo ifanyike amekuwa na maendeleo mazuri darasani kutokana na kuhudhuria vipindi vyote na kwa wakati unaostahili.
Aidha baadhi ya wanafunzi waliwatupia lawama wazazi kwa kutofuatilia maendeleo ya watoto wao mashuleni ikiwa ni pamoja na kuwahimiza kwenda shule jambo lililochangia kuongezeka kwa utoro na kujiingiza katika shughuli hatarishi mitaani.

Walisema ili kukomesha kabisa utoro wa wanafunzi mashuleni ni bora wazazi wakatoa ushirikiaono kwa Serikali kwa kutoa taarifa endapo wanakuwa na watoto ambao husumbua kusoma na kuwaletea kesi wazazi kutokana na kujiingiza katika magenge ya uhalifu.

Na Mbeya Yetu

UHAMIAJI KASUMULU YAJIPANGA KUDHIBITI EBOLA‏

Afisa Uhamiaji wa Kasumulu mpakani mwa Tanzania na Malawi, Elihuruma Mndeme akizungumzia hali halisi ya mpaka na maandalizi ya kukabiliana na ugonjwa wa Ebola.
 Barabara ya kuingilia Mpaka wa Kasumulu
 Hapa ni eneo la Tanzania kabla haujaingia katika Geti la Uhamiaji 
 Afisa Afya wa Mpakani Kasumulu, Ryoba Maijo  akielezea jinsi walivyojipanga kukabiliana na ugonjwa wa Ebola .
 Waandishi wa Habari wakiendelea kuchukua Taarifa Katika ofisi za Uhamiaji Kasumulu
 Shughuli mbalimbali zikiendelea upande unaounganisha Boda ya Tanzania na Malawi  
Afisa Uhamiaji wa Kasumulu mpakani mwa Tanzania na Malawi, Elihuruma Mndeme akionesha mpaka wa Tanzania na Malawi
 Hapa ni katikati ya Mpaka wa Tanzania na Malawi , Hapa waandishi wa habari  wakiuliza Maswali na kupata taarifa zaidi ya mpaka huo na Mwenyeji wao Afisa Uhamiaji wa Kasumulu mpakani mwa Tanzania na Malawi, Elihuruma Mndeme
Kikosi kazi cha Mbeya yetu Blog Kutoka kushoto ni Venance Matinya,Joseph Mwaisango na Fredy Anthony Njeje baada ya kazi kumalizika.
***********
WAKATI kukiwa na hofu ya kuingia kwa ugonjwa wa Ebola nchi jirani ya Congo, Maafisa uhamiaji mipakani wamejipanga kuhakikisha hakuna mgeni atakayeingia nchini akiwa na dalili za ugonjwa huo.
Hayo yalibainishwa jana na Afisa Uhamiaji wa Kasumulu mpakani mwa Tanzania na Malawi, Elihuruma Mndeme, alipokuwa akizungumza na Mbeya yetu  kuhusu mikakati ya kudhibiti wageni wanaoingia nchini kutokuleta ugonjwa huo.
Mndemi alisema yeye pamoja na maafisa wake wamejipanga kuhakikisha kila mgeni anayeingia nchini anakaguliwa vizuri kabla ya kuruhusiwa kuendelea na safari kwa kuangalia kama ana dalili zozote za Ebola.
Alisema ingawa bado hawajapelekewa vifaa maalumu vya kupimia wageni wanaoingia nchini ili kuwabaini kama wanazo dalili za ugonjwa huo lakini wanatumia mbinu mbali mbali kulingana na uzoefu walionao maafisa ikiwemo kumwangalia mtu na kumhoji.
Aliongeza kuwa hivi sasa Afisa anayegongesha stempu ni lazima ajiridhishe na maswali anayomuuliza mtu na sio kukimbilia kukagua hati yake pasipo kuangalia alikotoka na anakokwenda kama ndiko kuliko athirika na ugonjwa huo.
Alisema Mpaka wa  Kasumulu unachangamoto nyingi na kubwa ni kuwepo kwa njia za panya nyingi jambo linalowawia vigumu maafisa kudhibiti uingiaji holela wa wageni ambapo alisema kuna mipenyo 30 ya kuingilia nchini kutoka Nchi jirani ya Malawi.
Kwa upande wake Afisa Afya wa Mpakani Kasumulu, Ryoba Maijo,alisema  idara yake imejipanga kutokana na kuwepo kwa fomu maalumu ambayo mtu yeyote anayepita hapo atakuwa akijaza taarifa zake ambazo zitambaini kama ana maambukizi au hana.

Alisema tangu ugonjwa huo kuripotiwa baadhi ya Nchi idara hiyo imekuwa ikichukua tahadhari kubwa ili usije ukaingia nchini kupitia mipakani hivyo kuwa makini na kila mgeni anayepita hapo.

Na Mbeya yetu

Sunday, August 31, 2014

MAMIA WAMZIKA MAREHEMU MZEE ADAM LUTUFYO MWAIGOMOLE KIJIJINI KWAKE MWELA KATA YA KANDETE MWAKALELI

Marehemu Mzee Adam Lutufyo Mwaigomole Enzi za Uhai wake 
 Mwili wa Marehemu ukiwa umewasili Kijijini kwake Mwela Tayari kwa Mazishi
Mtumishi wa Mungu akimshukuru Mungu Mara baada ya Mwili wa Marehemu kuwasili
 
Waombolezaji wakiwa Nyumbani kwa Marehemu
 Baadhi ya Wachungaji na Viungozi wa Dini wakiwa katika Msiba huo
 Waombolezaji wakiwa Makaburini
 Mwili wa Marehemu Mwaigomole ukiingizwa kanisani
 Mwili wa Marehemu ukiwa Kanisani kuombewa kwa Mara ya Mwisho na Kupelekwa Katika Maziko
 Wa nne kutoka Kulia aliyevaa kitambaa cha Dhambalau ni Mke wa Marehemu Mwaigomole akiwa na wanafamilia
 Wachungaji wakiwa kanisani
 Waumini wakisindikiza Mwili wa Marehemu kutoka Nje kuelekea makaburini kwa ajili ya Maziko
 Mwili wa Marehemu ukiwa Tayari unatolewa kuelekea Makaburini
 Mwili wa Marehemu ukiwa Tayari kwa ajili ya kuingizwa Kaburini
 Mtumishi wa Mungu akiwa Anatoa neno fupi kabla ya kuanza Mazishi
 Mke wa marehemu wakwanza kushoto aliyekaa akiwa kaburini Kumsindikiza Marehemu mume wake Adam Mwaigomole
Mwili wa Marehemu Adam Mwaigomole ukiwa umeshushwa katika Nyumba yake ya Milele
 Mtumishi wa Mungu akiweka Mchanga katika Kaburi ishara ya kufukia Mwili wa Marehemu na kuendelea na Taratibu za Mazishi.