WATIA NIA UDIWANI KATA YA MAENDELEO JIJINI MBEYA WAELEZA VIPAUMBELE VYAO WAKIJINADI KWA WAPIGA KURA.

 Mwenyekitiwa CCM Kata ya maendeleo akiwaongoza viongozi wa Kata hiyo kuimba wimbo

 maalum wa Chama wakati wa kampeni ya kuwanadi watia nia ya kugombea Udiwani.

 Mtia nia ya Udiwani, Peniel Mwaisango akijinadi mbele ya wanachama wa CCM Kata ya Maendeleo.

 Mgombea Juma Kilongola akimwaga sera.

 Modest Shiyo ambaye anatetea nafasi yake akijaribu kuwashawishi wapiga kura ili aendelee kuwawakilisha.

 Mtawa Kapalata Mwaijumba akitoa sera zake na kuwashawishi wapiga kura.

 Katibu wa CCM Kata ya Maendeleo, Isaya Mwakibuti akiwaonya wagombea kuhusu kufanya siasa za kuchafuana.

Baadhi ya Wanachama wakiwasikiliza watia nia

MWENYEKITI wa Chama cha Mapinduzi Kata ya Maendeleo jijini Mbeya, Bonifasi  Kasyunguti amewataka wanachama wote wa Chama hicho kuhakikisha wana vitambulisho vya

kupigia kura pamoja na Kadi za Chama ndipo  watakaporuhusiwa  kupiga kura za maoni.




Mwenyekiti huyo aliyasema hayo jana katika mkutano wa Hadhara wa Watia nia ya kugombea kuteuliwa  na Chama kwa

 ajili ya kupeperusha bendera ya CCM katika nafasi ya  udiwani wa Kata ya Maendeleo iliyopo jijini Mbeya kuomba ridhaa

 kutoka  kwa wanachama. 

Alisema katika kampeni baadhi ya wagombea wanawanunulia Kadi wanachama ili kuwashawishi kuwapigia kura wakati wa  Kura za maoni ndani ya Chama na kusahau kama wanazokadi za kupigia Kura  katika uchaguzi mkuu ujao.

Aidha alitoa wito kwa Makatibu wa Matawi kuwachunguza na kuwafuatilia wale wote wanaouza kadi kuholela nje  ya utaratibu wa Chama na kwamba kadi zote zinatolewa na kuuzwa na 

katibu ambaye pia huwasajili katika daftari maalum litakalotumika wakati wa kupiga kura.

Aliongeza kura Kura za maoni zitapigwa Agost mosi mwaka huu kuanzia saa moja na nusu asubuhi hadi saa kumi jioni  ambapo wapiga kura wote ambao ni wanachama wa Chama cha Mapinduzi majina yao yatabandikwa katika mbao za vituo

vya kuoigia kura.

Katika Kampeni hizo zilizokuwa na wagombea wanne wanaowania kuteuliwa na Chama  hicho walipata nafasi ya kueleza vipaumbele vyao kwa wananchi wa Kata ya Maendeleo

 endapo watateuliwa na kufanikiwa kuwa madiwani.

Wa kwanza kujinadi alikuwa ni Mtawa Kapalata Mwaijumba

(56) ambaye alisema  endapo atafanikiwa kuwa diwani ataweza kushughulikia mgogoro wa makazi  na nyumba, mipaka kati ya Kata ya Maendeleo na majirani pamoja na suala  la miundombinu ya Barabara.

Mtia nia wa pili alikuwa ni Modest  Shiyo ambaye anatetea nafasi yake ambapo alitumia muda huo kuwaeleza  wanachama kuwa katika kipindi cha miaka mitano ametekeleza ahadi

nyingi 

zikiwemo ujenzi wa Daraja, Barabara za lami, na barabara za ndani ya  Kata pamoja na ushirikiano ndani ya wananchi na

 kwamba akichaguliwa tena  atakamilisha maeneo yaliyobaki.

Kwa upande wake mtia nia wa  tatu Juma Kilongolo aliomba wanachama kumpitisha kwani anao uwezo wa  kusambaratisha kambi za upinzani na hatimaye kufanikiwa kuwa Mbunge na  kuwawakilisha wananchi wa Kata ya Maendeleo.

Naye mtia nia wa  Mwisho, Peniel Mwaisango alisema

endapo atafanikiwa kuingia katika 

Baraza la madiwani la Jiji atahakikisha vitega uchumi vilivyomo ndani ya  Kata kunakuwa na asalimia chache ya mapato yakayobaki kwenye kata ili  kusaidia shughuli za maendeleo

kwa kumshawishi Mkurugenzi na Baraza la  Madiwani.

Alivitaja vitega uchumi hivyo kuwa ni pamoja na ukumbi wa Mikutano wa Mkapa ambao upo katika Kata hiyo lakini wananchi hawafaidi na fedha zinazotokana na shughuli

zinazofanyika ndani ya  ukumbi huo kila siku.

Mbali na hilo Mwaisango alisema  katika sekta ya michezo atajikita katika kuinua soka la watoto ili  kuwaepusha kujiingi

za katika vitendo vya kihalifu kwa kukarabati uwanja 

wa mpira na kununua vifaa vya michezo pamoja na kuboresha miundombinu ya  barabara na taa za mitaani ili mji uwe

mzuri.



Na Mbeya yetu