Chama cha Mpira Iringa chapata Viongozi wapya

Na Francis Godwin,Iringa CHAMA  cha  mpira  wa  miguu Manispaa ya Iringa  (IMDFA) kimepata viongozi  wake  wakataoongoza chama hicho kwa  kipindi cha miaka mine huku katibu msaidizi  wa chama  cha  mpira  wa miguu mkoa  wa Iringa (IRFA) Ramadhan Mahano akichaguliwa  kuwa mwenyekiti mpya  wa chama  hicho. Katika  uchuguzi  huo  uliofanyika  juzi mjini Iringa  wajumbe  wa mkutano mkuu  wa uchaguzi  wa IMDFA walimpitisha  kwa  kura zote  za ndio Eliud Mvella ‘Wamahanji’ ambaye ni mwenyekiti  wa jumuiya  ya  wazazi  wa chama cha mapinduzi wilaya ya Iringa mjini na katibu mkuu  wa IRFA mkoa  wa Iringa  kuwa  mjumbe  wa mkutano mkuu  wa Taifa. Hata  hivyo Mahano  aliweza  kuibuka na ushindi wa  kishindo wa  kura 31 kati ya kura 36 zilizopigwa huku mpinzani  wake akiambulia kura  2 pekee na kura  3  ziliharibika. Wengine   waliochaguliwa ni pamoja na Makamu mwenyekiti   John    Ambwene  aliyepata  kura za ndio  34 kati ya 36 zilizopigwa huku nafasi ya katibu ikirudi kwa mara nyingine  tena  kwa  Bakari Kamtande  aliyejizolea  kura zote 36  zilizopigwa. Huku  wajumbe  wakimchagua mwanaharakati  wa michezo katika mkoa  wa Iringa  Rashidi Bilo Zongo kuwa katika msaidizi  wa chama  hicho  kwa  kupata  kura za ndio 34 kati ya 36 Akizungumza baada ya  kuchaguliwa  kuwa mwenyekiti  wa  IMDFA Mahano alisema  kuwa kazi kubwa  iliyopo mbele yake ni kuhakikisha soka la Manispaa ya Iringa linasonga mbele na   kuwataka  wadau  wa  soka kuendelea  kutoa ushirikiano kwa viongozi  wapya . Katika hatua nyingine Mahano alitaka  wanamichezo ndani ya Manispaa ya Iringa  kujitokeza  kujaza nafasi zilizowazi hadi  sasa ili  kuweza kujaza safu ya uongozi katika chama  hicho. Mahano alishukuru wapiga kura  kwa kuonyesha kumkubali na kuahidi kuleta mabadiliko makubwa, pia alisema nafasi zilizo wazi zitajazwa mkutano mkuu ujao Alizitaja  nafasi  hizo  kuwa Mjumbe wa kamati mtendaji 1, mwakilishi wa wanawake na mweka hazina.