TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 09/01/2013.

WILAYA YA MBARALI - WATUHUMIWA WAWILI WAKAMATWA KWA WIZI WA MALI INAYOSAFIRISHWA [SHABA] 

MNAMO TAREHE 07.01.2013 MAJIRA YA SAA 01:00HRS HUKO ENEO LA IGAWA BARABARA KUU YA MBEYA/NJOMBE KATIKA MPAKA KATI YA MIKOA YA MBEYA/NJOMBE WILAYA YA MBARALI MKOA WA MBEYA. WATU WASIOFAHAMIKA WALIVUNJA BODI YA GARI T.952 AMY/T.913 AMY AINA YA SCANIA LILILOKUWA LIMEBEBA SHABA KUTOKA NCHINI ZAMBIA KUELEKEA DSM  NA KUIBA SHABA  AMBAYO IDADI  NA THAMANI  YAKE BADO HAIJAFAHAMIKA. KUFUATIA TUKIO HILO POLISI WALIFANYA MSAKO MKALI NA TAREHE 08.01.2013 KUFANIKIWA KUWAKAMATA WATUHUMIWA WAWILI 1. DAUD S/O WATSON, MIAKA 31,MNYIHA,MKULIMA MKAZI WA KIJIJI CHA UBARUKU MBARALI NA 2. SIMON S/O KABASI,MIAKA 23,MMALILA,MKULIMA MKAZI WA UYOLE MBEYA WAKIWA NA VIPANDE TISA [9] VYA SHABA NA WALIPOHOJIWA  WALIKIRI KUFANYA UHALIFU HUO . MBINU ILIYOTUMIKA NI KUIBA SHABA HIYO NA KUJIFICHA PORINI UMBALI WA KM 7 KUTOKA ENEO LA TUKIO WAKIWA NA VIELELEZO. WATUHUMIWA WAMEKAMATWA NA TARATIBU ZA KUWAFIKISHA MAHAKAMANI ZINAFANYWA PIA JITIHADA ZA KUWATAFUTA WATUHUMIWA WENGINE WANNE WALIOFAHAMIKA KWA MAJINA NA MAKAZI YAO AMBAO WALIKIMBIA ZINAFANYIKA. KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI   ANATOA WITO KWA JAMII KUACHA TAMAA YA KUJIPATIA MALI/KIPATO CHA HARAKA KWA NJIA ZISIZO HALALI KWANI NI KINYUME CHA SHERIA. AIDHA ANATOA RAI KWA MTU/WATU WENYE TAARIFA JUU YA WALIKO WATUHUMIWA WALIOKIMBIA AZIFIKISHE TAARIFA HIZO POLISI MAPEMA ILI WAKAMATWE.

KUINGIA NCHINI BILA KIBALI

MNAMO TAREHE 08/01/2013 MAJIRA YA SAA 19:00HRS HUKO KASUMULU WILAYA YA KYELA MKOA WA MBEYA.  ASKARI POLISI WAKIWA DORIA WALIWAKAMATA ABEL S/O ABIY, 25YRS, AKIWA NA WENZAKE ISHIRININ NA NNE [24] WOTE RAIA WA ETHIOPIA WAKIWA WEMENGIA NCHINI BILA KIBALI.  MBINU ILIYOTUMIKA NI DORIA. WATUHUMIWA WAMEKAMATWA NA TARATIBU ZA KUWAKABIDHI IDARA YA UHAMIAJI ZINAFANYIKA. KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI   ANATOA WITO KWA JAMII KUENDELEA KUTOA TAARIFA KWA MAMLAKA HUSIKA JUU YA MTU/WATU WASIOWAFAHAMU/WATILIA MASHAKA KATIKA MAZINGIRA YAO WAZITOE ILI WAKAMATWE KWANI WENGINE SI  WEMA KWA USALAMA WA NCHI.

Signed By,

 [ADAM .P.  SIMFUKWE - SSP]

Kny: KAMANDA WA POLISI MKOA WA MBEYA.