WAANDISHI WA HABARI WAASWA KUFUATA MISINGI NA MAADILI YA UANDISHI WA HABARI MKOANI MBEYA.

Mkuu wa Mkoa wa Mbeya Mheshimiwa
Abbas Kandoro katika picha ya pamoja na Waandishi wa habari mkoani
Mbeya, nje ya Ukumbi wa Itemba Village mara baada ya kumalizika kwa
Kongamano la Uhuru wa Vyombo vya habari.

******

Habari na Angelica Sullusi, Mbeya.

Waandishi wa habari Mkoani Mbeya wametakiwa kuandika habari

zilizofanyiwa uchunguzi wa kina na zenye manufaa kwa wananchi na kuachana na

habari kutoka chanzo kimoja.

Hayo yameelezwa na Mwandishi wa habari Mkongwe nchini Phill

Karashani - katika semina iliyoandaliwa na Shirikisho la klabu za waandishi wa

habari Tanzania(UTPC) kwa waandishi wa Mkoani mbeya juu ya habari za uchunguzi.

Akitoa mada kwa wanahabari juu ya uandishi wa habari za

uchunguzi Karashani amesema kuwa wakati umefika kwa wanahabari kutumia taaluma

zao vyema kwa kujikita katika kuandika habari za uchokonozi zilizojificha

ambazo si rahisi mtu kuzitambua.

Jumla ya waandishi wa habari 20 kutoka vyombo mbalimbali

vya habari Mkoani hapa wanahudhuria mafunzo hayo ya siku sita ambapo Katibu

Tawala wa Mkoa huu Mariam Mtunguja aliyafungua mafunzo hayo juzi, Mei 14 mwaka huu.