MAANDALIZI YA MAONESHO YA KIMATAIFA YA BIASHARA MKOANI MBEYA YAKAMILIKA BAADHI YA MAKAMPUNI YAMESHAPANGA BIDHAA.

MAONESHO ya kimataifa ya biashara yanayotarajiwa kufanyika Mkoani Mbeya katika viwanja vya Ukumbi wa Mikutano wa Mkapa uliopo Sokomatola Jijini Mbeya yamekamilika kwa asilimia tisini baada ya makampuni kutoka ndani na nje ya nchi kufika.

Baadhi ya makampuni yaliyojitokeza ni kutoka Nchini Kenya, ambapo mmoja wa washiriki wa maonesho hayo kutoka nchini humo aliyejitambulisha kwa jina la Charles amesema wameshafika na wako tayari kwa maonesho isipokuwa wenzao kama makampuni manne wako njiani.

Makampuni mengine ni kutoka Jijini Mbeya kama Mamlaka ya mapato Tanzania(TRA) Benki ya NMB, Benki ya CBA, Wajasiliamali mbali mbali kama vile Marmo Granito  na wengine wengi ambao tayari wameshapanga bidhaa zao tayari kwa maonesho.

Hata hivyo maonesho hayo yanatarajiwa kufunguliwa rasmi kesho na kwa mujibu wa baadhi ya wajumbe wa TCCIA wamesema mgeni rasmi wa kufungua maonesho hayo ni Waziri wa Uchukuzi Dr. Harrison Mwakyembe maonesho ambayo yatadumu kwa zaidi ya wiki moja.

Endelea kufuatilia mtandao wetu kwa taarifa na matukio zaidi ya maonesho hayo……

Na Mbeya yetu