UMOJA WA BAJAJI MBEYA WAAMUA KUZINDUA MPANGO WA KUTEMBELEA WATOTO YATIMA MBEYA

Mwenyekiti wa umoja Bajaji mbeya Bw.Idd Ramadhan  

Katibu  wa umoja  wa bajaji Mbeya Bw.Ernest  Mwaisango

Umoja wa Vijana  waendesha Pikipiki za magurudumu matatu Mkoani Mbeya umeamua kuzindua mpango wa  kutembelea  watoto yatima  na kutoa misaada  kutokana na faida wanayoipata baada ya kusaijili umoja  wao na kuchana  na kutumisha  kwenye maandamano ya kisiasa  na kusababisha vurugu Jijini .

Akizungumza na waandishi  wa habari mwenyekiti wa umoja huo Bw.Idd Ramadhan  alisema kuwa umoja huo umepata faida  kubwa ya  kuongeza kipato na kuwa na utulivu baada ya kusajili umoja wao  na kuzinduliwa na naibu waziri wa Elimu na Mafunzo ya ufundi Bw.Philip Mulugo  na hivyo kuona sababu ya kusaidia watoto yatima.

Alisema lengo kuu la umoja wao wenye wanachama   zaidi ya 800 ni kuinuana kiuchumi   kwa akuwawezesha  vijana kuwa vitega uchumi  na kuiondokana na umasiki na kutumia  na  wanasiasa wasio na mpango wa kusaidia vijana  ambapo wamekuwa wakiwatumia wakati wakiwahitaji na kisha kuwaacha baada ya kupata faida wao.

Bw.Ramadhan alisema kuwa  kwa kuanza watakuwa wakitembelea   watoto yatima kituo kimoja kila mwisho wa mwezi kwa kuwapa mahitaji madogo ya nyumbani  ambayo wamekuwa wakiyakosa  kwa muda mrefu baada ya kuondokewa  na wazazi wao waliokuwa  wanawatagemea .

“sisi ni vijana ambao tumeamua kuwa wajasiliamali  ambapo tumejipanga kwa ajili ya kuinuana kiuchumi  lakini kutokana na faida tunayoipata  tumeamua kuwa tutakuwa tunaitumia kwa ajili ya kuwasaidia watoto yatima  katika vituo vilivyopo Mbeya  na tutazindua mpango huu mwishoni mwa mwezi.”alisema.

Aidha Katibu  wa umoja  huo Bw.Ernest  Mwaisango alisema mbali na kutembelea  watoto yatima wamejipanga kwa ajili ya kuhakikisha wanawakusanya vijana ,wamachinga,wapiga debe ,waendesha maroli na makundi mengine  ya vijana kwa ajili ya kuwahamasisha kujiunga na kuachana  na kutumika katika vurugu zinazoondoa  amani ya Mkoa  pasipo sababu.

Alisema kuwa  vijana wanazo  nguvu za kutosha kujituma katika shughuli mbali mbali na hivyo kinachotakiwa kwa serikali ni kuungwa mkono katokana juhudi zao na kisha  kuonesha  mpango wao unaoweza kuwasaidia kuwakomboa katika maisha ya kutumika  na kuiingia katika maisha  ya uzalishaji mali na kisha kusaidia wengine  wasio jiweza.

Bw.Mwaisango alisema kuwa  wameweka mpango kazi katika umoja wao kwa ajili ya kushirikiana na uongozi wa serikali  hususani Jiji la Mbeya  ili waweze kufanikiwa katika mipango yao inayolenga  kubadili kabisa sura ya awali ya  vijana wa Mkoa  wa Mbeya   ambapo ilionekana kuwa  kazi yao ni vurugu ambapo sasa wataongoza nchini kw akufanya kazi  na kutunza amani na utulivu.