Watu wawili wafariki Dunia Mkoani Mbeya katika matukio mawili tofauti mmoja auawa kwa Kupigwa Risasi

Na Esther Macha, Mbarali

 

WATU wawili wamefariki dunia katika matukio tafauti Mkoani Mbeya likiwemo la wakala wa pembejeo za kilimo katika kata ya ubaruku kuuwa  kwa kupigwa risasi  na majambazi nyumbani kwake  na mwingine kuuwa na wananchi baada ya kuiba ng,ombe tisa.

 

Akizungumza na gazeti  jana , Kaimu kamanda wa polisi Mbeya  Mrakibu msaidizi wa polisi  Bw. Anacletus Malindisa alisema kuwa  tukio la kwanza lilitokea  majita saa7.40 usiku katika kijiji cha Mkunywa katika kata ya Madibira  majambazi  walivamia nyumbani kwa mfanyabiashara wa duka na kumpiga kwa risasi.

 

Kaimu kamanda huyo alimtaja marehemu aliyeuwawa kuwa ni  Ruben Msigala (42) ambaye alipigwa risasi mbili tumboni  na kupoteza maisha  papo hapo.

 

“Hawa wauaji haijajulikana mapema kama kuna vitu vyovyote ambavyo wamechukua lakini jeshi la polisi bado linafanya uchunguzi kujua kama majambazi hayo yamechukua kitu chochote kwenye nyumba ya mfanyabiashara huyo”alisema Kamanda huyo.

 

Aidha  Bw. Malindisa alisema majambazi hayo baada ya kufanya mauaji hayo ya kutisha walimjeruhi kwa kipigo  mke wa marehemu  Bi.Edelin Msungu ambaye amelazwa katika hospitali  ya madibira.

 

Alisema mama huyo bado anaendelea na matibabu katika hospitali kwa majereha aliyopata baada ya kupata kipigo kutoka kwa wauaji hao.

 

Hata hivyo aliongeza katika tukio lingine  mtuhumiwa wa wizi wa mifugo aitwaye Moku Malungo (41) mkazi wa Ibumila Rujewa aliuwawa kwa kupigwa na wananchi wenye hasira kali baada ya kubainika kuiba ng,ombe.

 

Alisema mtuhumiwa huyo alipata kipigo hicho baada kuwacharanga kwa sime wananchi waliokuwa wakimfuatilia nyendo zake baada ya vkuiba ng,ombe 9 kutoka wilayani chunya.