WAKULIMA WASHAURIWA KUSINDIKA VYAKULA- MKOANI MBEYA

Wakulima wa wilaya ya Kyela mkoani Mbeya wameshauriwa kusindika mazao kwa ajili ya matumizi ya baadae.

Afisa maendeleo ya jamii Bi.Nelusigwe Mwakigonja amesema ni vema wakulima wapate elimu ya kuhifadhi mazao kwa kusindika ili wanufaike na kilimo.

Pia amewashauri wakulima watembelee maonesho ya kilimo ya nanenane katika viwanja vya John Mwakangale jijini Mbeya ili wapate elimu hiyo.

WAISLAMU WALALAMIKIA UPANDISHWAJI WA NBEI ZA VYAKULA MKOANI MBEYA

Waisilamu jijini Mbeya wamelalamikia baadhi ya wafanyabiashara ambao wamepandisha bei za vyakula hasa katika kipindi hiki cha mwezi mtukufu wa Ramadhani.

Bwana Omary Suleiman amesema bei za vyakula vingi vimepanda vikiwemo viazi mvilingo kutoka bei ya shilingi elfu nne kwa debe hadi elfu nne na miatano wakati gunia likiuzwa kwa shillingi elfu ishirini na saba kutoka elfu ishirini na tano vikifuatiwa na mchele,ndizi pamoja na maharage.

Kwa upande wao wafanyabiashara wamedai bei zimepanda kutokana na gharama za maisha kupanda hivyo hata wao kujumua bidhaa kwa bei ya juu.