Mkuu wa Mkoa wa Mbeya Bw. John Mwakipesile Awataka wakurugenzi wa Halmashauri kusimamia ukusanyaji wa mapato

Na Esther Macha, Mbarali

 

MKUU wa Mkoa wa Mbeya Bw. John Mwakipesile amewataka wakurugenzi wa halmasahauri  na wakuu wa wa idara kusimamia sheria na miongozo ya serikali  kuhusu ukusanyaji wa mapato na matumizi ya fedha za halmashauri ili fedha zinazotolewa na  serkali kwa ajiri ya shughuli za  maendeleo ziweze kutumika  kwa malengo yaliyokusudiwa..

 

Bw.Mwakipesile aliyasema hayo jana wakati wa kikao cha baraza la madiwani cha kujadili  taarifa ya mkaguzi na mdhibiti mkuu wa hesabu za serikali ambacho kilifanyika katika ukumbi wa maji uliopo Wilayani hapa.

 

Mkuu huyo wa Mkoa alisema kuwa  ni vema wakurugenzi na wakuu wa idara  wakasimamia zoezi9 hilo la kusimamia sheria hiyo ili fedha za miradi zinazotolewa na serikali kwa ajiri ya kusaidia shughuli za wananchi ziweze kutumika kwa malengo yaliyokusudiwa.

 

“Hali hii ndugu  zangu  itaziwezesha halmashauri  kuendlea  kupata fedha za maendeleo na nyingine zinazotolewa kwa kuzingatia sifa nzuri za utunzaji wa fedha za miradi na kufuata sheria na kanuni zilizowekwa na halmashauri zao”alisema Bw. Mwakipesile.

 

Hata hivyo Bw. Mwakipesile aliongeza kuwa fedha hizo zinapaswa kupelekwa  na kutimiza m,alengo yaliyokusudiwa  kwa manufaa ya walengwa wakuu ambao ni wananchi .

 

Alisema kuwa Mkurugenzi na wakuu wa idara ndio wasimamizi wakuu wa fedha za miradi ya maendeleo  hivyo kama wakuu wa halmashauri wanatakiwa kutojihusisha na mipango yeyote ile mibaya ya matumizi ya fedha za serikali  yasiyozingatiwa  sheria na kanuni taratibu .

 

“”nitoe angalizo kwenu nyinyi viongozi  kuungana pamoja kudhibiti matumizi  mabaya ya fedha za serikali ikutekeleza jukumuy la kuwainua wananchi na kuwawezesha kujiletea maendeleo “alisema Bw. Mwakipesile.

 

 Aidha Mkuu huyo wa Mkoa wa Mbeya alisema kuwa viongozi  na watendaji  katika ngazi za chini wanapawa kupatiwa  ujuzi na stadi za kazi za utunzaji wa fedha  na kutumia vizuri na ni vema  halmashauri zikabuni  mafunzo mazuri kulingana na na uwezo wa viongozi hao.

 

Kwa Upande wake Mkurugenzi mtendaji wa halmashauri ya wilaya ya Mbarali Bw. George Kagomba alisema halmashauri imekuwa ikifuata kanuni  na miomgozo ya serikali  ya ukusanyaji wa mapato ya halmashauri.