ILI kukabiliana na wimbi la uhalifu na wizi wa mali za watu, Makampuni binafsi ya sekta ya ulinzi yameagizwa kuajiri wafanyakazi waliopitia mafunzo ya mgambo ili kukabiliana na wahalifu katika maeneo yao ya kazi.

 Mkuu wa Wilaya ya Rungwe, Crispin Meela alipokuwa akifunga mafunzo ya Mgambo hatua ya kwanza  yaliyomalizika hivi karibuni katika uwanja wa shule ya Sekondari Meta Wilaya ya Mbeya na katika Viwanja vya Kijiji cha Isange Halmashauri ya Busokelo Wilaya ya Rungwe Mkoani hapa.

ILI kukabiliana na wimbi la uhalifu  na wizi wa mali za watu, Makampuni binafsi ya sekta ya ulinzi yameagizwa kuajiri wafanyakazi waliopitia mafunzo ya mgambo ili kukabiliana na wahalifu katika maeneo yao ya kazi.

Agizo hilo lilitolewa na Mkuu wa Wilaya ya Rungwe, Crispin Meela alipokuwa akifunga mafunzo ya Mgambo hatua ya kwanza  yaliyomalizika hivi karibuni katika uwanja wa shule ya Sekondari Meta Wilaya ya Mbeya na katika Viwanja vya Kijiji cha Isange Halmashauri ya Busokelo Wilaya ya Rungwe Mkoani hapa.

Meela alisema Serikali ilitoa maagizo kwa wenye makampuni ya ulinzi kuhakikisha inaajiri wafanyakazi waliopitia mafunzo ya magambo ili iwe rahisi kupambana na vibaka na wahalifu ambapo katika mafunzo hayo hujifunza hata mbinu za kujihami ikiwa ni pamoja na kutumia silaha.

Alisema walinzi ambao hawajapitia mafunzo ya mgambo ndiyo wanaoshirikiana na wahalifu kutokana na kutokula kiapo wakati wa mafunzo hivyo kutokujua uadilifu na uzalendo kwa mali za umma na watanzania kwa ujumla kwa kutoa siri za mali wanazolinda.

Aliongeza kuwa baada ya kufungwa kwa mafunzo hayo hatatakiwa kuwepo mlinzi wa aina yoyote katika taasisi ya umma ambaye hakupitia mafunzo ya mgambo, ambapo ikibainika mwenye kampuni pamoja na mfanyakazi wake watachukuliwa hatua kali iliwa ni pamoja na kuifungia kampuni hiyo.

Kwa mujibu wa msoma risala katika mafunzo yaliyomalizika Mbeya mjini, Vicent Nkalla, alisema  jumla ya walioandikishwa walikuwa 500 lakini walioanza mafunzo ni 185 na waliohitimu ni 112 pekee, ambapo wanawake walikuwa 27 na wanaume 85.

Alisema sababu ya kukimbia mafunzo hayo ni kutokana na utovu wa nidhamu miongoni mwa waliokwepa, wengine walikuwa na magonjwa mbali mbali na wengine kutokujua umuhimu wa mafunzo ya mgambo kwa vijana.

Alisema katika mafunzo hayo waliweza kujifunza jinsi ya kushirikiana, kutumia silaha, kujilinda porini, mbinu za kivita na ukakamavu pamoja na mafunzo mbali mbali ya zimamoto. Uhamiaji. Takukuru na huduma ya kwanza katika jamii.

Mafunzo hayo yalianza Julai 15 hadi Novemba 14 mwaka  huu, mafunzo ambayo yalikuwa yakitolewa na askari wa Jeshi la Ulinzi (JWTZ) kwa ushirikiano na kamati ya ulinzi na usalama ya Wilaya.

Kwa upande wa mafunzo yaliyomalizika Wilayani Rungwe, Jumla ya walioandikishwa 466 lakini waliofanikiwa kuhitimu ni 87 ambapo wanawake ni watatu na wanaume 84 ambapo sababu ya utoro imeelezwa kuwa ni utovu wa nidhamu.

Kutyokana na mahudhurio kutokuwa mazuri katika maeneo yote Mkuu wa Wilaya ameagiza kila Halmashauri kupitia Madiwani kutunga sheria ndogo ambazo zitawabana wale wote wanajiandikisha kuhudhuria mafunzo lakini hukacha pasipo kuwa na sababu ya msingi.

Alisema suala la mafunzo ya mgambo lipo kisheria hivyo kitendo cha kijana kukubali kuandikishwa lakini siku ya kwanza ya mafunzo anakimbia inabidi abanwe kupitia sheria ndogo zitakazokuwa zimetungwa kupitia Halmashauri zao ambapo sheria hizo zitatawanywa hadi katika ngazi za vijiji na vitongoji. 

Na Mbeya yetu