PSPF YAJIVUNIA MAFANIKIO

RAISI  JAKAYA KIKWETE AKIPOKEA MAANDAMANO YA WATUMISHI WA PSPF KATIKA UWANJA WA SOKOINE JIJINI MBEYA

MOJA YA WATUMISHI WA PSPF  AKITOA MAELEZO MAFUPI KWA MOJA YA MWANACHAMA WAO

MTUMISHI AKIKABIDHIWA KIPEPERUSHI MWANACHAMA

WANANCHI MBALIMBALI PAMOJA NA WAFANYAKAZI WALIPITA KATIKA BANDA HILO LA PSPF KUJUA JINSI SHIRIKA HILO LINAVYOFANYA KAZI

MFUKO wa Pensheni kwa Watumishi wa Umma (PSPF) ulioanzishwa Mwaka 1999 kutokana na Sheria ya Bunge kifungu namba 2 ya Mwaka 1999 inajivunia kuwa mfuko unaoongoza kwa kulipa mafao bora kwa watumishi na kwa wakati.

Wakizungumza na Mwandishi wetu wakati wa kilele cha Siku ya Wafanyakazi Duniani yaliyofanyika Kitaifa Mkoani Mbeya walisema pspf hutoa mafao bora zaidi katika sekta ya hifadhi ya jamii.

Walisema ubora wa shirika lao unatokana na mfumo wa kulipa mafao kwa wanachama wake wastaafu kwa kutumia "pension factor" bora na mshahara wa mwisho wa mfanyakazi tofauti na wastani wa mshahara unaotumiwa na taasisi nyingine za hifadhi ya jamii.

Walisema shirika lao linajivunia mafanikio mengi ikiwemo uwekezaji salama, unaozingatia ukuaji wa thamani ya mfuko, maendeleo ya jamii na uwekezaji unao mgusa mwanachama moja kwa moja. Mfuko katika kumuwezesha mwanachama kupata makazi bora, unatoa mkopo wa nyumba kwa mwanachama aliyebakiza muda wa miaka mitano kabla ya kustaafu kwa lazima na pia mfuko unatoa mkopo wa nyumba za gharama nafuu kwa mwanachama yoyote ambaye amechangia kwenye mfuko kuanzia miaka mitano.

wakieleza mafanikio zaidi ya mfuko wao, wafanyakazi hao walisema mfuko umefanikiwa kukua hadi kufikia thamani ya shilingi za kitanzania 1.2 Trillion hadi mwezi Machi 2013, ongezeko kubwa la wanachama hadi kufikia wanachama zaidi ya 340,000, kutoa huduma bora kwa wanachama kwakuwa na ofisi mikoa yote ya Tanzania bara na ulipaji wa mafao bora na kwa wakati.

Kwasasa PSPF imeanzisha mpango wa uchangiaji wa hiari kwa wananchi wote walio katika ajira rasmi na isiyo rasmi ambapo mwanachama ataweza kupata mafao mbalimbali kama mafao ya elimu, ujasiriamali, kustaafu, kujitoa, ugonjwa na mirathi. Uchangiaji unaanzia shilingi elfu kumi kwa mwezi na mwanachama yupo huru kuamua namna yoyote ya uchangiaji na pia yupo huru kujitoa kwenye mfuko muda wowote atakao uona ni muafaka.

Wakifafanua zaidi kuhusu mradi wa ujenzi wa nyumba kwa wanachama, walisema hadi sasa zaidi ya nyumba 600 zimejengwa na zipo tayari kwa kukopeshwa kwa wanachama wa mfuko waliochangia kwenye mfuko kuanzia miaka mitano na kuendelea. Walitaja mikoa ambayo tayari nyumba zimejengwa kuwa ni Dar es salaam, Mtwara, Tabora, Morogoro na Shinyanga huku ujenzi ukitarajiwa/kuendelea katika mikoa ya Dodoma, Iringa, Mbeya na Kilimanjaro. Ni mpango wa mfuko kujenga nyumba mikoa yote ya Tanzania katika kuwahakikishia wanachama wake makazi bora.

PSPF inawakaribisha wananchi wote ambao hawajajiunga na mfuko wowote wa hifadhi ya jamii kujiunga nao.